الخميس، 14 يوليو 2011

على الحجار يغنى للزمالك "يا زمالك ليه؟"

يا زمالك ليه تشجيعك خنيق .. وحزن وضيق
والنحس مزرع على الفريق  .. زي العُليق
يا زمالك قوم خليك جرىء .. وماتبقاش برىء
الأهلى بياكل زي الحريق .. ومش عاتق يا شقيق
-----

1)
فتحت باب احزانك .. ما الأهلى مزود جنانك
حِلي للنوادي اجوانك .. وانت بتعض على لسانك
ومالكش قريب ولا حتى صديق
-----
يا زمالك ليه تشجيعك خنيق .. وحزن وضيق
والنحس مزرع على الفريق .. زي العُليق
-----

2)
و مهولاتي تحب تصيع .. ساعة الفوز فرحك فظيع
و ف الهزايم مخك يضيع .. و ف المصايب تنشر وتذيع
مانت مقضيها صريخ وزعيق
-----
يا زمالك ليه تشجيعك خنيق .. وحزن وضيق
والنحس مزرع على الفريق .. زي العُليق
-----

3)
وليه تتكبر وتتمادى .. وخسايرك بقت هى العادة
بطولات الأهلى فى زيادة .. وجمهورك يشربها سادة
مانت ف بحر الظلمات غريق
-----
يا زمالك ليه تشجيعك خنيق .. وحزن وضيق
والنحس مزرع على الفريق .. زي العُليق
-----

4)
يا زمالك ده الاهلى كاسبك .. وعايز ماحدش يحاسبك
يا زمالك ده الشؤم لابسك .. ومفيش بطولة تناسبك
نادى منحوس بحق وحقيق
-----
يا زمالك ليه تشجيعك خنيق .. وحزن وضيق
والنحس مزرع على الفريق .. زي العُليق
يا زمالك قوم خليك جرىء .. وماتبقاش برىء
الأهلى بياكل زي الحريق .. ومش عاتق يا شقيق
-----



(مستوحاة من أغنية على الحجار "يا مصرى ليه؟")