الثلاثاء، 24 أغسطس 2010

سعاد حسنى تغنى للمرة الثانية لنادى الزمالك "انبى .. انبى .. انبى .. انبى"






انبى .. انبى
انبى .. انبى .. انبى .. انبى

الغباء بقى ماتش انبى .. وانا اعيط وانت ذنبى
وانا اعيط .. يا فريقي .. يا فريقي وانت ذنبى
الغباء بقى ماتش انبى
انبى .. انبى .. انبى .. انبى

شفت شفت شفت صوت التوأم .. عامل فيا إيه
شخطة حلوة حلوة حلوة .. ولا صوت العربجية
حتى عقلى اتجن وبيقول أحيه
بقى دا إسمه كلام .. ياهو .. بشويش عليا
الهلس مأثر عليا .. مش بشوف غير بمبي بمبي
انبى .. انبى .. انبى .. انبى

كنت بهرب قال واقولك .. قال واقولك آه و لأ
خذتني بالقوة يا فريقي واديتنى قهوة سادة
اشكرك يا زمالك .. ماكانش عندك حق
حتى انبى بيكسبك على غير العادة
كل مادا نشقى زيادة .. لما بقينا اشباح بمبي
انبى .. انبى .. انبى .. انبى

الأهلى جاله البدرى وآخر عكننة
وقولنا اخيرا وقعة الأهلى هلة
كسب ولا خسر سيان عندنا
يفضل الزمالك واقع لحد ما شاء الله
وكسة ونغمض ويلا
نلقى حتى التي شيرت بمبى
انبى .. انبى .. انبى .. انبى

الخميس، 10 يونيو 2010

سعاد حسنى تغنى لسان حال الزمالك لشيكابالا "شيكا بيكا"

الأغنية الأصلية




شيكا بيكا الأنتيكة هرب على بلجيكا
ولا تزعل ولا تحزن أضحك برضه يا ويكا
هاهاهاهاه ع الشيكا بيكا

أنا بأهيس من قلبى يا جماعة
شيكا هرب بجد مش إشاعة
وعقوده فى فاكسه فكسوها
وغلاسة كمان هرب في ساعة
بقيت أرجف م الصدمة لكن بأهيس

والشيكا ده تلكيكة ع الوكسة البولوتيكة
اضحك ع الشيكا بيكا
هاهاهاهاا ع الشيكا بيكا

شيكا بيكا الأنتيكة هرب على بلجيكا
ولا تزعل ولا تحزن أضحك برضه يا ويكا
هاهاهاهاه ع الشيكا بيكا

أنا راح منى كام حاجة كبيرة
كل شوية لازم اجيب لها سيرة
دورى وكاس منى بيروحوا
وشيكا خلع وخد التأشيرة
ادعوا له يرجع تانى ويهلس

والشيكا ده تلكيكة ع الوكسة البولوتيكة
اضحك ع الشيكا بيكا
هاهاهاهاا ع الشيكا بيكا

شيكا بيكا الأنتيكة هرب على بلجيكا
ولا تزعل ولا تحزن أضحك برضه يا ويكا
هاهاهاهاه ع الشيكا بيكا

هاتقولى الشيكا بيكا ايه هى
دى تبقى رقصته الخرافية
الزنقة والخنقة والشنقة
من لعبه ومنظرته الأنانية
فبدل ما نطق يا وله، لأ نهيس

والشيكا ده تلكيكة ع الوكسة البولوتيكة
اضحك ع الشيكا بيكا
هاهاهاهاا ع الشيكا بيكا

شيكا بيكا الأنتيكة هرب على بلجيكا
ولا تزعل ولا تحزن أضحك برضه يا ويكا
هاهاهاهاه ع الشيكا بيكا
هاهاهاهاه ع الشيكا بيكا
هاهاهاهاه ع الشيكا بيكا

الأحد، 6 يونيو 2010

الأربعاء، 2 يونيو 2010

مدحت صالح يغنى مجددا للزمالك "توأم تانى" (إهداء من المدون العزيز مايكل محسن)

(الأغنية دى معبرة جدا عن الحالة النفسية اللى بيعيشها المشجع الزملكاوى الفترة الأخيرة وبتحللها تمام زي مقالة الدكتور النفسى محمد عبد الفتاح مهدى عن تحليل الشخصية الزملكاوية http://mahdyzone.jeeran.com/archive/2008/8/660592.html)

رافضك على حالك .. يا زمالك .. يا مهالك
أنا خايف أعيش يا توأم تاني
ده عالم فاني .. فيه لسه أماني؟
ليه الإعلام .. دايما فكسان؟
ليه الإعلام .. دايما فكسان؟
شمتان ف التاني

ده فريق غدار .. ونتايجه أذية
بتجن جناني .. تأثر فيا
إذا قلنا عميد
ده الأهلي حديد
ايه معنى حياتي
فينها بطولاتي
وده مش بإيديا .. وده مش بإيديا

فيه نحس شنيع
عالى وفظيع
بيني وبين نفسي
بين أملي ويأسي
بين دورى وكأسى
واللي غنيته ورويته ف الهوا بيضيع
وده مش بإيديا .. وده مش بإيديا

فريق الأهلي .. عزيمة ورجولة
وحسام قال لنا .. نحلم ببطولة
وآمال وهمية
بتعافر فيا
يفضل لي عذابي للسنة الجاية

وفي وسط الكاس واللخمة
أنا قولت يا أهلي الرحمة
راح مني كلامي
تاه حتى حسامي
ونقول من تاني
كداب يا زمالك
كداب يا زمالك

رافضك على حالك .. يا زمالك .. يا مهالك
أنا خايف أعيش يا توأم تاني
ده عالم فاني .. فيه لسه أماني؟
ليه الإعلام .. دايما فكسان؟
ليه الإعلام .. دايما فكسان؟
شمتان ف التاني

الثلاثاء، 1 يونيو 2010

الفرق بين إجابات الطالب الأهلاوى والطالب الزملكاوي فى إمتحانات الثانوية العامة

الطالب الأهلاوي

أولا: الأدب و البلاغه
يقول الشاعر
خُلِقتُ من الحديد أشدٌ قلبـــــا وقد بلى الحديد وما بلــــيــت
وإني قد شربت دم الأعــادي بأقحاف الرُؤوس وما رويــــت
س1 / من هو المقصود بالحديد و ما دليلك على ذلك
ج / الحديد هو النادى الاهلى
الدليل : الاهلى حديد
س2 / استخرج موطن جمال من الابيات و اشرحه
ج / (وما رويت) تدل على ان الاهلى كثير البطولات و يسعى دائما للبطوله
س3 / من هم الأعادى   
ج / الزمالك


ثانيا : القواعد (النحو والصرف)
(فاز الاهلى ببطوله الدورى بعد تعادله مع الزمالك قبل نهايه البطوله بأربع اسابيع ليبقى درع الدورى فى القلعه الحمراء فيما يتصارع الزمالك و الاسماعيلى على المركز الثانى) 

 س1 / اعرب الجملة التالية (فاز الاهلي ببطولة الدوري)
ج / فاز: فعل لا يجيده سوى الأبطال وهو حكرا على من هو اهل للبطولات
الاهلي: فاعل اعتاد الصعود الى منصات التتويج
ببطولة: الباء حرف جر وبطولة اسم مجرور من قبل او بعد الاهلي
الدوري: بطولة غالية احتكرتها بعض الفرق مثل الاهلي وريال مدريد الاسباني
ومانشستر يونايتدالانجليزي وميلان الإيطالي وبرشلونة الإسباني

س2 / استخرج من العباره مع الشرح
(معطوف عليه – ممنوع من الصرف – مضاف اليه)
ج / معطوف عليه :- الزمالك (لانه بقاله 6 سنين مابيخدش بطولات)
ممنوع من الصرف :- درع الدورى (لانه مش ممكن يطلع من النادى الاهلى)
مضاف اليه :- الاسماعيلى (علشان بيدخل يبوظ و مابيعملش حاجه فى الاخر)

ثالثا: الجغرافيا
س / بماذا تتميز قارة افريقيا؟
ج / 1-تاني اكبر قارات الأرض مساحة
2- تحتوي اطول نهر في العالم
3- يوجد بها نادي اسمه الاهلي احرز الكثير من بطولاتها ويسمى ب نادي القرن

رابعا: التاريخ
س / ما هى اهم اعمال سعد زغلول؟
ج / 18/7/1907 أول رئيس للجمعيه العموميه بالنادى الاهلى


الاثنين، 31 مايو 2010

شعر عن الزمالك بعد ماتش الكاس .. إهداء/ أحمد محى الدين




ياما قولنا كتير مانتوش فاهمين
والله غلابة والله مساكين
إزاى عايزين تطلعوا فايزين؟
معقولة الفار يبلع تنين؟
على طول بتنادوا وتقولوا راجعين

وبقالنا كتير مستنيين
طب بس قولوا لنا راجعين فين؟

الأول قولتوا ع الحكام
والنادى الأهلى بيدفع كام؟
جبنالكوا أجانب من فيتنام
برضه الدنيا مش ماشية تمام
وإمشى يا هنرى وتعالى يا حسام
وفريقنا هايبقى ولا الأحلام
وهانكسب بقى مش عايزة كلام

بعديها قولتوا ع المنشطات
شوف وائل جمعة وشوف بركات
وإزاى يكسبوا كل الماتشات
ولا فيه اجهاد ولا فيه اصابات؟
وبيجروا فى سبق العربيات

بعديها قولتوا ده فريق حظيظ
ولعيبة تعبانة كلها عواجيز
وفريقنا شباب مليان بهاريز
وأهم العواجيز غلبوا التلاميذ

بعديها قولتوا لنا هاناخد الكاس
وهانفرح بقى لو مرة يا ناس
وارقص يا حازم ..غنى يا عباس
واهو برضه فريقكم رجع محتاس

كل ده وانتوا مش فاهمين
والله جمهوركم فريق مسكين
نصه غلابة والباقى مجانين
ربنا يهديكم .. قولوا آمين



الأحد، 30 مايو 2010

مدحت صالح يغنى للزمالك: بعلو الصوت هانتألم (شكر خاص للمدون مايكل محسن)

الأغنية الأصلية


بعلو الصوت حنتألم .. انشالله نموت حنتألم

النكسة دي واجبة علينا وفرض .. ده الكل خفسوا بينا الأرض
وعشان منلومش تاني الحظ .. ولا نبلم .. حنتألم

بيهزمونا وبيذلونا وبيكشفونا .. ويقطعونا ويشخعلونا
استنظرونا وبهدلونا وكومونا .. ومن فريقنا بيكرهونا

لعبونا غلبونا فتعبونا عازونا فقسونا فأذونا
خدونا لخبطونا .. بفريقنا شطفونا
ضايقونا جننونا .. حرمونا م البطولة

كان هتافنا في الاستاد
الرحمة يا الله .. والنهاردة احتاجنا لله
يا محسنين لله

لو كنا في فرقة مابتحسش .. تنشق الأرض ما تنشقش
مش فارقة كتير
دي الفرقة عقيمة ومختومة .. خلينا كده في سابع موسم
وتصبحوا على خير

لعبونا
غلبونا فتعبونا عازونا فقسونا فأذونا
خدونا لخبطونا .. بفريقنا شطفونا
ضايقونا
جننونا .. حرمونا م البطولة


كان هتافنا في الاستاد
الرحمة يا الله..والنهاردة احتجنا لله
يا محسنين لله

الأحد، 16 مايو 2010

لكل الزملكاوية قبل كل الأهلاوية .. كل ستة وانتوا طيبين

 كل ستة وانتوا طيبين جميعا 



النهاردة تمر الذكرى الثامنة على المباراة التاريخية يوم 16\5\2002 .. مباراة فوز الأهلى الخرافى ستة واحد على الزمالك








مباراة إستثنائية مهما عدت عليها السنين لسه ليها علامة مع الأهلاوية والزملكاوية على حد سواء
لكن اللى كان يميز المباراة دى مش مجرد نتيجتها الكبيرة التاريخية لكن حاجات تانية كتير زي:

الأربعاء، 21 أبريل 2010

قصيدة {لا فن ولا هندسة} (على وزن قصيدة أبو الوليد بن زيدون {لا أهل ولا وطن})

هل تذكرون فريقا إسمه زمالكٌ
 من غلبكم وهو كالمتعصب يعاركُ
يشكو "صوابعه"، وتوأمه يفضحه
 فقد تساوى لديه الفضيلة والشركُ
يا ويلتاه! أيتذكر إنكساراته؟
 حصالةٌ وهو بالماتشات مُندعكُ
وأرّق الاوسة والاهداف داخلة
من تريكة والمندوه وبابا أركو
فبت أدعو ليهبط إلى المظاليم
ويبقى الأهلى على الفرق ملكُ
يا هل أجالس أقواما أحبهم
يصبحون أهلاوية والزمالكَ تركوا
أو تحفظون عهودا لا أضيعها
فلا يصيبكم القلق والحيرة والشكُ
أن كان زمالككم قد تحسن
فلسوف تعود إليه الهزائم والمعاركُ
وتسوَّد الليالي بعودة الشرعى
ويعم على النادى الظلامُ الحالكُ
بم التعلل؟ لا فن ولا هندسة
والزمالك حقا طريق هبوطه سالكُ

الأحد، 10 يناير 2010

الشاطر عمرو وميدو بشنبات (منقول من المدون مايكل محسن بتصرف)

(الأغنية بتحكى عن الخيبة التقيلة اللي جت للزمالك ومصر من الإتنين دول لما لعبوا مع بعض فيها وكانوا محترفين مع بعض والمشاكل الكتيرة اللى بيعملوها بالبلطجة والصياعة فى لعبهم أو حتى فى حياتهم العادية)

كان فيه واد إسمه الشاطر عمرو وكمان كان فيه ميدو بشنبات
كان فيه واد إسمه الشاطر عمرو وكمان كان فيه ميدو بشنبات
في ميعاد اللعب اتضح الامر .. هما عايشين دور الخواجات
كان

 
اه يا واد يا غتيت كفاياك تخبيط
لأعملها عليك وأألف فيك كده غنواية
كده غنواية؟؟
ده عملك إيه يا سعادة البيه
رزقه يناديه يتشعلق فيه بالقشاية
بالقشاية؟؟
وشحاتة فاكرهم نصبوا السيرك..ما تشوفوا أحسن طعمة ميلك
وشحاتة فاكرهم نصبوا السيرك..ما تشوفوا أحسن طعمة ميلك
وده كله عشان متربي تمام ولا عمره بييعمل أي سلام
كان

كان فيه واد إسمه الشاطر عمرو وكمان كان فيه ميدو بشنبات
في ميعاد اللعب اتضح الامر .. هما عايشين دور الخواجات
كان

وده نجم الجيل ابو دم تقيل
لعبه هلاليل وباصاته كتير كده مقطوعة
كده مقطوعة؟؟
ومعاه التطبيل ومعاه التهليل
ما هو ميدو خطير وتاريخه كبير في الميوعة
في الميوعة؟؟
ويبص بفخر لذاك وتلك ما هو الزمالك بيته الملك
ويبص بفخر لذاك وتلك ما هو الزمالك بيته الملك
وده كله عشان متربي تمام ولا عمره بييعمل أي سلام
كان

كان فيه واد إسمه الشاطر عمرو وكمان كان فيه ميدو بشنبات
في ميعاد اللعب اتضح الامر .. هما عايشين دور الخواجاااااات

  
مصدر الأغنية من هذه التدوينة:
http://strugglingmichealitoo.blogspot.com/2009/05/blog-post.html

الخميس، 7 يناير 2010

منــوعـات زملكـاويـة (4) علامة الجودة


النشيد الوطنى للزمالكوية كل خسارة للزمالك وهبوطه للدرجة الثانية بإذن الله

ياللي من البحيرة و ياللي من اهل الصعيد
تلاتة اولمبي اتنين اسيوط واحد بني عبيد
هنوا بعضيكم و غنوا للتيم الجديد
زمالك نزل درجة تانية و بني عبيد
بني عبيد في عيد .. بني عبيد في عيد .. بني عبيد في عييييييييييييييييييييييييييييد

ليل نهار عاهدونا يتغلبوا ليل نهار (ليل نهار)
ميدو و شيكا دولا قمة الاستهتار (إستهتار)
مشي من هنا ميشيل جابولنا حسام الجعار
وعندنا لاعب مش طايقينه واسمه هاني سعيد
هو هانى سعيد
أيوه هانى سعيييييييييييييييييييييييييييييييييد

الثلاثاء، 5 يناير 2010

"30 يوم فى الزمالك " رائعة ثلاثي أضواء المسرح (30 يوم فى السجن)

(الأغنية دى من تأليف واحد عضو فى منتدى كووورة مصرية إسمه Kakolocia وشهرتها ألتراس أهلاوى كتر ألف خيرهم)

و اطلع من سوستة لبابا اركو و الخ ..الخ ..
 

و اخرج من الجيش على الاهلى و من فخ لفخ
 

و تريكة يشيلنى و يهبدنى طاخ طوخ طيخ طاخ
 

طاخ .. طوخ .. طيخ .. طاخ
 

طاخ .. طوخ .. طيخ .. طاخ
 

مبسوط يا بابا اركو ... مبسوط يا ابو تريكة ...
 

لو كانوا سألونا قبل ما يغلبونا عارفين كنا نقول ايه ...
 

كنا نقول ارحمونا .. احسن تهبطونا .. من الدورى اللى احنا فيه ..
 

من الدورى اللى احنا فيه ..
 

من الدورى اللى احنا فييييييييييييييييييييه

الاثنين، 4 يناير 2010

محمد منير يغنى للزمالك "أقر أنا المذكور أعلاه .. المشجع للنادى إياه"

أقر أنا المذكور أعلاه .. المشجع للنادى إياه 
بإن النادى بتاعى زفر .. من كتر تشجيعه باتقهر
لا عمره عرف ولا عمره قدر .. يفرح قلبى وانا معاه
أقر أنا المذكور أعلاه .. المشجع للنادى إياه

كل هزيمة بتيجي عليه .. بتعصبنى أكتر فيه
آخرتها مع النادى ده إيه .. معيشنى فى عذاب وآه
أقر أنا المذكور أعلاه .. المشجع للنادى إياه

إنى عشانه لسانى إتخرس .. م الأهلى والجيش والحرس
جسمه منهم بجد إتقرص .. وانا باعانى كمان وياه
أقر أنا المذكور أعلاه .. المشجع للنادى إياه

غلطتى إنى دماغى حجر .. شجعت نادى مالوش قدر
مين يرحمنى منه يا بشر .. دانا فعلا هاطفش من دى حياة
أقر أنا المذكور أعلاه .. المشجع للنادى إياه

الأحد، 3 يناير 2010

كان فيه فرقة إسمها التررم (للمدون مايكل محسن)

(الأغنية دي تلخيص نادى التررم أو الزمالك من ساعة ما ظهر ع الساحة الكروية)

كان فيه فرقة إسمها التررم .. نتايجها مش طبيعية
كل ما أجي وأشوفها.. قلبي يبقى في رجليا
تعبانة ومدوخانا ونتايجها مش عجبانا
بتقرفنا وبنقول تعملوا كده ليه
بنشجع بكل حرارة .. تكسفنا بكل حقارة .. نفسنا نعرف سرها إيه
الأنانية والغباوة والشللية والدناوة .. والسذاجة والرزالة .. دي عصابة ايه يا حلاوة
كل الناس اللي يروحوها يبقوا عاوزين يشطفوها
أو يروحوا يخربوها .. على دماغ اللي جابوها

لو كانوا جابوا السير يدرب .. كان لخبط وسوحنا
ونقعد برضه نندب .. ونفضل زي ما إحنا
حافظينها اه وعجنينها .. ولسه مش فاهمينها
ونفضل نقول ليه يا زمالك ليه

بنشجع بكل حرارة .. تكسفنا بكل حقارة .. نفسنا نعرف سرها إيه
الأنانية والغباوة والشللية والدناوة .. والسذاجة والرزالة. . دي عصابة ايه يا حلاوة
كل الناس اللي يروحوها يبقوا عاوزين يشطفوها
أو يروحوا يخربوها..على دماغ اللي جابوها


 مصدر الأغنية من هذه التدوينة:
http://strugglingmichealitoo.blogspot.com/2009/10/blog-post_22.html 

السبت، 2 يناير 2010

أغنية من زملكاوى إلى هنرى ميشيل: "إبن الأرندلى" (للمدون مايكل محسن)


(الأغنية دي إهداء لمدرب الزمالك الفاشل الهارب هنري ميشيل على لسان حال الجمهور الزملكاوي المأسوف على حاله)

لئييييييييم..ليه بتكتلي
يا قديييييييييم يا ابن الأرندلي
خمورجي لعبي وماشي بdrink
ولا عمره جاب لى بطولة من تلك
عامل حنين ومسهوك
وجاي ملهوف متلهوج
الوش ده بقى..لأ يا حبيبي بقي
ما ببلعوش ما ببلعوش
ما ببلعوش وأنت جايلي
يلا يا ابن الأرندلي

جاي تشتغلني بتستغفلني
ولا أنت جاي بتستهبلني
شوف يا ضنايا .. نادي القضايا
وحتبقى منهم لو تخذلني
والنعمة لو بإيه حلفتلي
ليه..ليه بتكتلي؟ اه يا قدييييييم..يا ابن الأرندلي
موطي صوتك ليه ياfrench؟
تعبان يا ناس وبكنز قرش
الغلب من مين يتعلم
واللعب يتعب ويغلب
عاوزلي فيها قال ميسي وكاكا قال
قولوله ماشي قولوله ماشي
قولوله ماشي..ده اللي جري جري
(ألف سبعة ألف) يا ابن الأرندلي

خمورجي لعبي وماشي بdrink
ولا عمره جاب لى بطولة من تلك
عامل حنين ومسهوك
وجاي ملهوف متلهوج
الوش ده بقى..لأ يا حبيبي بقي
ما ببلعوش ما ببلعوش
ما ببلعوش وأنت جايلي
(ألف سبعة ألف) يا ابن الأرندلي

 مصدر الأغنية من هذه التدوينة:
http://strugglingmichealitoo.blogspot.com/2009/12/11.html


كاريكاتيرات زمالكاوية: علاقة الزمالك بالأمراض والأطباء

الجمعة، 1 يناير 2010

نادى الزمالك يقدم: أوبريت "الفريق المجهول" (أغنية حبيبي المجهول لليلى مراد)


(الأغنية مرتبطة بفترات منافسة الزمالك على الهبوط للدرجة الثانية والتى سيصل إليها عاجلا أم آجلا)

سيبك منهم ده مفيش غيرى ... قيمة ومركز و"فرقة" ميرى

مربوط على الدرجة التانية والناس درجات
ومرشح آخد التاسعة وباخسر بالستات

معرفش لا كده ولا كده حالتى هباب هباب
هباب هباب هباب
جماهيرى دايما متنكدة وعايشة فى عذاب
عايشة فى عذاب فى عذاب

يعنى أنا فرقة جاليها جفاف
مهما إترش عليها بالشطاف
وإن جابوا ساحر أو عراف
فى الآخر مفيش إختلاف